Aİ-nin Gürcüstandakı Monitorinq Missiyasına yeni rəhbər təyin edilib

19:50, 31.01.2023

Aİ-nin Gürcüstandakı Monitorinq Missiyasına yeni rəhbər təyin edilib.

Avropa İttifaqı Şurasının səhifəsində yayılmış məlumatda şuranın yunan diplomat Dimitrios Karabalisi Aİ-nin Monitorinq Missiyasının yeni rəhbəri təyin etdiyi deyilir.

Karabalis Yunanıstan Xarici İşlər Nazirliyində Rusiya, Ukrayna, Moldova, Cənubi Qafqaz və Mərkəzi Asiya Departamentinin direktoru vəzifəsində çalışıb.

Monitorinq missiyasının yeni rəhbəri 2023-cü ilin fevralın 1-dən mandatının icrasına başlayacaq. Karabalisin təyinatı ilə bağlı qərarı Siyasi və Təhlükəsizlik Komitəsi verib.

Müəllif - Sevinj Mustafaeva

Siyasət