Ağır atletika | Laşa Talaxadze məşqləri bərpa edib və 2028-ci il Olimpiadasına vəsiqə qazanmaq üçün mübarizə aparacaq #1TVSPORT
“Üçqat Olimpiya çempionu Laşa Talaxadze milli komanda ilə birlikdə məşqləri bərpa edib və Dünya Çempionatına hazırlaşır. Onun məqsədi 2028-ci ilin Los-Anceles Olimpiadasına lisenziya qazanmaqdır”, – İdman Nazirliyinin yaydığı məlumatda oxuyuruq.
Xatırladaq ki, Laşa 2024-cü ildə üçüncü dəfə Olimpiya çempionu olub, bundan sonra o, siyasi karyeranı seçib və “Gürcü Arzusu” partiyasının siyahısı ilə parlament üzvü olub.
Talaxadzenin Olimpiadadan sonra zədələrdən bərpa olunmaq üçün istirahətə ehtiyacı var idi. Özünün dediyinə görə, o, özünü yaxşı hiss edir və elə buna görə də idman karyerasını davam etdirmək qərarına gəlib.
Laşa Talaxadzenin iştirak edəcəyi ən yaxın turnir oktyabrın 27-də başlayacaq Dünya Çempionatıdır.