Ağ Evdə İlya Topuriya ilə Castin Geyci arasında döyüş keçirildi – UFC-nin yüngül çəki dərəcəsi üzrə kəməri amerikalıda qaldı #1TVSPORT
İlya Topuriya Ağ Evdə UFC tarixinin ən möhtəşəm tədbirində iştirak edib. Yüngül çəki dərəcəsi (70 kq) üzrə çempionluq döyüşündə o, Castin Geyci ilə qarşılaşıb. Qələbə amerikalı döyüşçüyə qismət olub.
UFC Freedom 250 ABŞ-ın müstəqilliyinin 250 illiyinə həsr olunmuşdu. Məhz bu gün münasibətilə oktaqon Ağ Evin həyətində quraşdırılmışdı. Döyüşləri 4000 tamaşaçı izləyirdi.
Tədbirdə ABŞ prezidenti Donald Trump, onun həyat yoldaşı Melania Trump və UFC prezidenti Dana White iştirak edirdilər.
Topuriya ilə Geyci arasındakı qarşılaşma günün son və əsas hadisəsi idi. Döyüş dörd raund davam etdi. Beşinci raund isə başlamadı, çünki İlya Topuriyanın küncü aldığı zədələr səbəbindən görüşü dayandırdı.
İlya Topuriya bu vaxta qədər qarışıq döyüş növlərində məğlubiyyət tanımırdı və ardıcıl 17 döyüşdə qələbə qazanmışdı. Gürcü döyüşçü UFC tarixində iki müxtəlif çəki dərəcəsində çempionluq kəməri qazanan 11 döyüşçüdən biridir. O, 2024-cü ilin fevralında yarımyüngül çəki dərəcəsinin (65 kq) çempionu olmuş, 2025-ci ilin iyununda isə yüngül çəki dərəcəsinin çempionluq kəmərini qazanmışdı.