Ağ Evdə ABŞ prezidenti Co Baydenin və seçilmiş prezident Donald Trampın görüşü keçirilir. Onlar səlahiyyətlərin ötürülməsini müzakirə etməlidirlər.

Bayden seçilmiş prezidenti qələbə münasibətilə təbrik edib və o yanvarda hakimiyyətin rahat keçidini gözlədiyini bildirib.

“Siyasət sərtdir və bir çox halda çox yaxşı dünya deyil, hərçənd bu gün yaxşı dünyadır və mən bunu çox qiymətləndirirəm”, – Tramp öz növbəsində deyib.

Bu, Donald Tramp və Co Baydenin iyun ayında keçirilən teledebatlardan sonra ilk üz-üzə görüşdür.

Respublikaçılar Partiyasının namizədi, keçmiş prezident Donald Tramp noyabrın 5-də ABŞ-ın prezident seçkilərində qalib gəlib. Donald Trampın andiçmə mərasimi yanvarın 20-də keçiriləcək.