Ağ Ev Co Bayden və Donald Trampın görüşü ilə bağlı məlumat yayıb

Donald Tramp Co Baydenlə görüşdə ətraflı suallar verib. – Bu barədə Ağ Evin mətbuat katibi Karin Can-Pyer bildirib.

Can-Pyerin sözlərinə görə, görüş “çox nəzakətli, yaxşı xasiyyətli və mənalı” keçdi. Ağ Ev sözçüsü təxminən iki saat davam edən görüşdə Trampın Baydenə hansı sualları verdiyini açıqlamaqdan imtina etdi.

“Bayden, şübhəsiz ki, görüşü səbirsizliklə gözləyirdi və öz fikirlərini bölüşərək, seçilmiş prezidentin bütün suallarını cavablandırdı.” -Can-Pyer qeyd etdi.

Can-Pyere görə, o, brifinqdən əvvəl Oval kabinetdə Baydenlə danışdı.

“O, seçilmiş prezidentin çox nəzakətli olduğunu sizə çatdırmağımızı xahiş etdi.

Düşünürəm ki, görüşün uzun sürməsi onların bir çox məsələlərlə bağlı dərin söhbət aparmasından xəbər verir”. – Can-Pyer dedi.

Onun sözlərinə görə, gələcəkdə Bayden “seçilmiş prezidentlə əlaqə xəttini mütləq qoruyacaq”.

Bundan əlavə, Can-Pyer vitse-prezident Kamala Harrisin iclasda iştirak etmədiyini qeyd edib.