ABŞ Səfirliyi Nika Qvaramianın həbsdə saxlanmasına görə dərin narahatlığını bir daha ifadə edir-bu barədə ABŞ-ın Gürcüstandakı səfirliyinin bəyanatında deyilir.

Buradaca qeyd olunur ki, Amerika Birləşmiş Ştatları əvvəldən vaxt və ittihamların məzmunu, həmçinin hökm də daxil olmaqla bu məsələ ilə bağlı suallar qaldırıb və narahatlığını ifadə edib. Bir sıra beynəlxalq və gürcü hüquq müdafiəçiləri belə bir narahatlıq ifadə ediblər.

“Effektiv demokratiya media azadlığının qorunmasına və siyasi motivli hüquqi təqiblərin qarşısının alınmasına əsaslanır. Ədalət mühakiməsinin seçici və siyasiləşmiş kimi qəbul edilməsi belə Gürcüstanın Avropa gələcəyini riskə atır və qanunun aliliyinə, konstitusiya ilə qorunan insan haqlarına və demokratiyanın özünə xələl gətirir”-deyə bəyanatda deyilir.

Dünən “Mtavari Arxi”nin baş direktoru Nika Qvaramianın vəkilləri Ali Məhkəmənin Nika Qvaramianın işi üzrə iddiaya baxılmasını qəbuledilməz elan etməsi ilə bağlı bəyanat yayıblar.