ABŞ-ın yeni səfiri etimadnaməsini Gürcüstan Prezidentinə təqdim edib

21:11, 12.10.2023

ABŞ-ın Gürcüstandakı fövqəladə və səlahiyyətli səfiri Robin Danniqan etimadnaməsini Gürcüstan Prezidenti Salome Zurabişviliyə təqdim edib.

Orbeliani sarayında etimadnamələrin rəsmi təqdimetmə mərasimi keçirilib, daha sonra prezident səfirlə təkbətək görüşüb.

Gürcüstan Prezidentinin mətbuat xidmətinin məlumatına görə, ABŞ-ın Gürcüstandakı fövqəladə və səlahiyyətli səfiri Robin Danniqan dövlət başçısına qəbula görə təşəkkür edib. Onun sözlərinə görə, o, Gürcüstan Prezidenti ilə sıx əməkdaşlıq gözləyir.

“Prezident Bayden Gürcüstan Prezidentinə səmimi salamlar göndərib, ona və gürcü xalqına firavanlıq arzulayıb”- Robin Danniqan bildirib.

Müəllif - Sevinj Mustafaeva

Siyasət