ABŞ-ın dövlət katibi və Çinin xarici işlər naziri Yaxın Şərqdəki mövcud vəziyyəti müzakirə ediblər
ABŞ-ın dövlət katibi Marko Rubio və Çinin xarici işlər naziri Van Yi Yaxın Şərqdəki mövcud vəziyyəti müzakirə ediblər. Amerikalı və çinli diplomatlar arasında telefon danışığı baş tutub.
Çinin xarici işlər naziri ABŞ-ın dövlət katibi Marko Rubioya bildirib ki, iki ölkə bərabərlik, hörmət və qarşılıqlı münasibət ruhunda yüksək səviyyəli qarşılıqlı fəaliyyətin növbəti mərhələsinə yaxşı hazırlaşmalıdır.
Sözügedən telefon danışığı Çin Prezidenti Si Cinpinin ABŞ-a gözlənilən səfərindən bir həftə əvvəl baş tutub. Oktyabrın 16-da Çinin xarici işlər naziri Pekində İranın xarici işlər naziri Abbas Əraqçi ilə görüş keçirib. Görüşdə Van Yi İranı və ABŞ-ı rasionallığı qoruyub saxlamağa, təmkin nümayiş etdirməyə, iyun ayında imzalanmış müvəqqəti sülh sazişinə qayıtmağa və “əsaslı məsləhətləşmələrə başlamağa” çağırıb, eyni zamanda Hörmüz boğazının yenidən açılmasını arzuladığını bildirib.