ABŞ hökuməti və "Pfizer" Covid-19 əleyhinə yeni həblərin milyonlarla dozasının tədarükünə razılaşıblar

21:07, 05.11.2021

ABŞ hökuməti və “Pfizer” şirkəti Covid-19-a qarşı milyonlarla doza yeni həblərin tədarükü barədə razılığa gəliblər, – bu barədə ABŞ prezidenti Co Bayden bildirib.

ABŞ prezidentinin sözlərinə görə, ABŞ-ın “Qida və Dərman Administrasiyası”-nın avtorizasiya verməsi halında, ölkədə tezliklə həblər ola və virusa yoluxanları müalicə edə bilər.

“Biz artıq milyonlarla dozanı tədarük etmişik. Bu terapiya insanları Covid-19-un ən pis təsirlərindən qorumaq üçün alətlər qutumuzda başqa bir vasitə olacaq” -deyə Co Bayden bildirib.

“Pfizer” şirkətinin məlumatına görə, yeni eksperimental həblər xəstəxanaya yerləşdirmə və ölüm hallarını 90 faiz azaldır.

Müəllif - Sevinj Mustafaeva

Dünya