Minnesota qubernatoru Tim Vals simvolik olaraq ABŞ Demokratik Partiyasının Milli Konvensiyasında vitse-prezidentliyə namizəd kimi seçilib.

Konqresdə çıxış edən Vals Kamala Harrisə onu komandaya dəvət etdiyinə və ABŞ prezidenti Co Baydenə “dörd illik güclü, tarixi liderliyə” görə təşəkkür edib.

“ABŞ-ın vitse-prezidenti vəzifəsinə namizədliyimi irəli sürmək həyatımdakı ən böyük şərəfdir, hamımız bir sadə səbəbə görə buradayıq – biz ölkəmizi sevirik” – Vals bildirib.

O, çıxışında qeyd edib ki, ABŞ-ın uşaqların ac qalmadığı, səhiyyənin insan hüququ olduğu və Respublikaçılar Partiyasının abort hüquqlarına və eynicinsli evliliyə hücumlarına işarə edərək, “hökumətin yataq otağınıza girmədiyi” bir yer olmalıdır.

“Reuters”in yazdığı kimi, bu gün ABŞ prezidentliyinə namizəd Kamala Harris Demokratlar Partiyasının milli qurultayında çıxış edəcək.