Gürcüstan Müdafiə Qüvvələrinin 6-cı Artilleriya Briqadasının yaradılmasından 16 il ötür.

Təntənəli mərasim Xonidəki 6-cı artilleriya briqadasının parad meydançasında keçirilib.

Gürcüstan Müdafiə Qüvvələrinin Qərb komandanı, briqada generalı Koba Qriqoliya və 6-cı artilleriya briqadasının komandiri, polkovnik Davit Pofxadze şəxsi heyəti yubiley münasibətilə təbrik ediblər. Hərbi qulluqçular Gürcüstanın müstəqilliyi və ərazi bütövlüyü uğrunda canlarından keçmiş qəhrəmanların xatirəsini ehtiramla yad ediblər.

Təntənəli tədbirdə agentliyin nümayəndələri hərbçiləri idarənin medalları – “General Kvinitadze”, “Vətənə həsr”, “Qiorqi Antsuxelidze” ordenləri, şəxsi heyət silahları, pullu hədiyyələr və fəxri fərmanlarla təltif ediblər.

6-cı Artilleriya Briqadasının yaranması günü ilə əlaqədar Samtredia və Xoni dövlət məktəblərinin şagirdlərinin iştirak etdiyi “Açıq qapı” günü keçirilib. Tədbirdə hərbçilərin ailə üzvləri də iştirak edib.

Qonaqlar simulyasiya sinfinə və nümayiş etdirilən hərbi texnikaya da baxıblar.

Məlumatı Müdafiə Nazirliyinin mətbuat xidməti yayıb.