30 aprel aksiyasının təşkilatçıları aksiyanın bazar günü saat 19:00-da Respublika meydanında keçiriləcəyi ilə bağlı bəyanat yayırlar.

“Qürur duyduğumuz gürcü Xviça Kvaratsxeliyaya görə bütün Gürcüstanın böyük maraqla gözlədiyi futbol matçının aprelin 30-u saat 17:00-da olacağı məlum olduqdan sonra təşkilatçılara 30 aprel mitinqinin bir neçə gün təxirə salınması xahişi ilə inanılmaz sayda telefon zəngləri edildi.

Bizim təşkil etdiyimiz aksiyada iştirak etmək niyyətində olan hər bir şəxsin mövqeyinə xüsusi hörmətlə yanaşırıq. Eyni zamanda, Xviçanın çempion statusunu qazana biləcəyi matçı da böyük maraqla gözləyirik.

Eyni zamanda, biz onu da nəzərə alırıq ki, aksiyanın bir neçə gün də təxirə salınması başqalarının tapşırıqlarını yerinə yetirməyi öz ölkəsinin maraqlarından üstün görən pusquda duran insanlar tərəfindən çoxlu çirkin fərziyyələrə səbəb ola bilər.

Buna görə də, yalnız fəaliyyət gündəliyində kiçik bir dəyişiklik etmək qərarına gəldik:

Biz saat 17:00-da (18:00 əvəzinə) Birinci Respublika Meydanında quraşdırılmış ekranların yanında görüşürük və Xviça Kvaratsxelianın  çempionluğununa azarkeşlik edirik. Aksiya isə saat 19:00-da başlayacaq. Beləliklə, aprelin 30-da saat 17:00-dan Birinci Respublika Meydanında.

Gürcüstan ilk növbədə!

Aksiya – 19:00-da!

Biz gəlirik!”, – deyilir aksiya təşkilatçılarının bəyanatında.