2-5 may tarixlərində Almaniya Bundestaqının Avropa İttifaqı məsələləri üzrə komitəsinin nümayəndə heyəti Gürcüstana səfər edəcək. Bu barədə Almaniyanın Gürcüstandakı səfirliyi məlumat yayır.

Səfirlikdən verilən məlumatda Kristian Petri (Sosial Demokrat partiyası, nümayəndə heyətinin rəhbəri), Ralf Brinkhaus (Xristian Demokratik İttifaqı/Xristian Sosial İttifaqı), Mixael Zaxer (İttifaq 90/Yaşıllar), Tomas Haker (Müstəqil Demokratlar partiyası) və Harald Vaielin (Almanya üçün alternativ) nümayəndə heyətinin tərkibində olduğu deyilir.

“Səfər çərçivəsində Gürcüstanın ədliyyə naziri Rati Breqadze, Gürcüstanın iqtisadiyyat və davamlı inkişaf naziri Levan Davitaşvili, eləcə də Gürcüstanın xarici işlər nazirinin müavini Teimuraz Cancalia ilə görüşlər keçirilməsi planlaşdırılır. Nümayəndə heyəti həmçinin Gürcüstan parlamentinin sədri Şalva Papuaşvili və müxtəlif komitələrin sədrləri ilə görüşəcək.

Həmçinin proqrama vətəndaş cəmiyyəti, media, iqtisadiyyat və mədəniyyət nümayəndələri ilə görüşlər daxildir. Gürcüstanın 2022-ci ilin martında Avropa İttifaqına üzv olmaq üçün müraciət etdiyini və 2022-ci ilin iyununda Aİ-yə üzvlük perspektivini aldığını nəzərə alsaq, görüşlərin mövzuları zəruri islahatların həyata keçirilməsi, Avropa İttifaqı, Almaniya ilə əlaqələrin genişləndirilməsi və əməkdaşlıq olacaq. Rusiyanın Ukraynada apardığı müharibə fonunda, həmçinin xarici siyasət və təhlükəsizlik siyasəti məsələləri razılaşmasına və regionda müharibənin yaratdığı nəticələr, geosiyasi məsələlərə toxunulacaq” -deyə məlumatda deyilir.