Gürcüstan on birinci dəfədir çoxmillətli “Sarsılmaz Ruh 2023” (Agile Spirit 2023) təliminə ev sahibliyi edir. Təlim çərçivəsində Vaziani hərbi aerodromunun ərazisində ilk nümayiş komponenti keçirilib.

ABŞ Ordusunun Avropa Komandanlığının 173-cü Hava Desant Briqadasının yüzlüyü C-17 çoxməqsədli hərbi-nəqliyyat təyyarəsindən hava-desant təlimi keçirib. Vazianidəki desant əməliyyatında Gürcüstan Müdafiə Qüvvələrinin komandanı, general-mayor Qiorqi Matiaşvili, ABŞ-ın Gürcüstandakı səfiri Kelli Deqnan və müdafiə attaşesi, polkovnik Cozef Bilbo, Müdafiə Qüvvələrinin rəhbərləri, həmçinin gürcü və amerikalı liderlər  iştirak ediblər.

“Agile Spirit 2023” NATO-Gürcüstan Birgə Təlim və Qiymətləndirmə Mərkəzinin (JTEC) qərargahında açılıb.