Milli Şərab Agentliyinin və Gürcüstanın Böyük Britaniya və Şimali İrlandiya Birləşmiş Krallığındakı səfirliyinin dəstəyi ilə Gürcüstanın 13 şərab istehsalçısı şirkəti London Wine Fair 2024 beynəlxalq şərab və spirtli içkilər sərgisində iştirak edib.

Nüfuzlu sərgidə ənənəvi olaraq dünyanın müxtəlif ölkələrindən minlərlə qonaq, o cümlədən şərab mütəxəssisləri, şərab ticarətinin nümayəndələri və media nümayəndələri iştirak edirlər. Müvafiq olaraq, London Wine Fair gürcü istehsalçıları üçün yeni ticarət tərəfdaşlarının tapılması, məhsulların təşviqi və ixracın artırılması baxımından mühüm platformadır.

Sərgi çərçivəsində Böyük Britaniyanın “Swirl Wine Group” şirkətinin rəhbəri, Milli Şərab Agentliyinin podratçısı, şərab ustası Sara Abbott şərab mütəxəssisləri üçün gürcü şərabının təqdimat-dequstasiyası keçirib, 2023-cü il Beynəlxalq Şərab Müsabiqəsində (IWSC) qalib gürcü şərabları da təqdim olundu. Sərgidə Gürcüstanın Böyük Britaniya və Şimali İrlandiya Birləşmiş Krallığındakı səfiri Giorgi Saqanelidze iştirak edib. London Wine Fair 1981-ci ildən keçirilir və şərab sektorunda ən mühüm tədbirlərdən biri hesab olunur.

Məlumatı Milli Şərab Agentliyi yayıb.