Վրաստանի օկուպացված տարածքներից տեղահանվածների, աշխատանքի, առողջապահության և սոցիալական պաշտպանության նախարար Զուրաբ Ազարաշվիլին հրաժարական է տվել։
Վրաստանի վարչապետի մամուլի ծառայության փոխանցմամբ՝ կառավարության ղեկավար Իրակլի Կոբախիձեն զրուցել է առողջապահության նախարարի հետ, որից հետո Զուրաբ Ազարաշվիլին հրաժարական է տվել։
Վարչապետի մամուլի ծառայությունից հայտնում են, որ առաջիկա օրերին կառավարության ղեկավարը կներկայացնի առողջապահության նոր նախարարին։
Զուրաբ Ազարաշվիլին Վրաստանի օկուպացված տարածքներից տեղահանվածների, աշխատանքի, առողջապահության և սոցիալական պաշտպանության նախարար է նշանակվել 2021 թվականի դեկտեմբերի 27-ին։