Օկուպացված տարածքներից տեղահանվածների, աշխատանքի, առողջապահության և սոցիալական պաշտպանության նախարարը ճանաչողական հանդիպում է ունեցել Եվրամիության նորանշանակ դեսպանի հետ։ Զուրաբ Ազարաշվիլին Պավել Հերչինսկուն ներկայացրել է ընթացիկ բարեփոխումներն ու նորությունները։

Առողջապահության նախարարությունից հայտնում են, որ զրույցի ընթացքում անդրադարձ է կատարվել բարձրորակ առողջապահական ծառայությունների և դեղամիջոցների առավելագույն հասանելիության համար նախաձեռնված բարեփոխումներին։ Քննարկվել են նաև սոցիալապես անապահով մարդկանց հասարակական աշխատանքներում զբաղեցնելու ծրագիրը և փախստականների վերաբնակեցման ծրագիրը, որը առաջիկա երեք տարիներին բնակարանով կապահովի 13000 ընտանիքի։

Ներածական հանդիպմանը կողմերը խոսել են Վրաստանի և Եվրամիության միջև համագործակցության կարևորության մասին։ Դրանց թվում է առաջնային բուժօգնության հաստատություններում հեռաբժշկության ներդրման գործընթացը, որն իրականացվում է Եվրոպական միության ֆինանսական աջակցությամբ և կարևոր նախադրյալ է ստեղծում առողջապահական համակարգի զարգացման համար։

Հանդիպմանն ընդգծվել է Աշխատանքի տեսչական ծառայության կարևորությունը, որը ստեղծվել է Եվրամիության ներգրավմամբ և աջակցությամբ։ Խոսվեց նաև Եվրոպական միության տեխնիկական աջակցությամբ ստեղծված 2022-2030 թվականների առողջապահության ազգային ռազմավարության մասին։

Ինչպես նշել է առողջապահության նախարարը, գործակալությունը այս փաստաթղթին համապատասխան մի շարք բարեփոխումներ է իրականացնում։ Զուրաբ Ազարաշվիլին Պավել Հերչինսկուն ներկայացրել է նաև հիվանդանոցային ոլորտում նախատեսվող բարեփոխումը, ըստ որի՝ 2025 թվականից համընդհանուր առողջապահական ծրագրում ընդգրկված կլինիկաների համար պարտադիր կլինի համապատասխանել որակի միջազգային ստանդարտին։ Հանդիպմանը կողմերը քննարկել են հետագա համագործակցության ծրագրերն ու հեռանկարները