Վստահ եմ, որ հոկտեմբերի 4-ին մենք բոլորս միասին կնշենք հաղթանակը,- այս հայտարարությամբ է բացել ավագանու նիստը Թբիլիսիի ավագանու նախագահ Զուրաբ Աբաշիձեն։

Զուրաբ Աբաշիձեն Կախա Կալաձեին և նրա թիմին հաջողություն մաղթեց տեղական ինքնակառավարման մարմինների ընտրություններում։

«Ես կցանկանայի Կախա Կալաձեին և նրա թիմին մաղթել հաղթանակ և հաջողություններ հաջորդ չորս տարիների ընթացքում՝ Թբիլիսիի ժողովրդի աջակցությամբ։ Կախա Կալաձեի թիմում ընդգրկված են ինչպես քաղաքային խորհրդի գործող անդամներ, այնպես էլ նոր դեմքեր, և ես վստահ եմ, որ այս թիմը՝ Կախա Կալաձեի գլխավորությամբ, անկասկած կհաղթի։ Որպեսզի ընտրությունները հոկտեմբերի 4-ին ավարտվեն մեր հաղթանակով, կարևոր է մեր բոլորի դերը։ Մենք կարող ենք մեր թիմի կատարած աշխատանքը համարել գլխավոր նվաճում, որն ամրացնում է մեր մեջքը։ Միևնույն ժամանակ, մենք կարծում ենք, որ արդեն սկսված աշխատանքի շարունակությունն ու ավարտը կնպաստի Թբիլիսիի զարգացմանը և բնակչության բարեկեցության աճին», – ասաց Զուրաբ Աբաշիձեն։