Ժամանակավորապես կսահմանափակվի երթևեկությունը Քեթևան Դեդոփալի պողոտայում, ինչպես նաև Կոստավա փողոցից դեպի Լագունա Վերե
Ամանորյա լույսերի ապամոնտաժման պատճառով հունվարի 24-ին ժամը 00:30-06:00-ն Քեթևան Դեդոփալիի պողոտայում կսահմանափակվի տրանսպորտային միջոցների երթևեկությունը։ Մասնավորապես, երթևեկության սահմանափակումներ կգործեն Ավլաբարի հրապարակից Լեխ Կաչինսկի փողոցի խաչմերուկ ընկած ճանապարհահատվածում։
Տրանսպորտային միջոցները կկարողանան շարժվել Իրբախի, Ծուրցումիա, Զուրաբաշվիլի և Կաչինսկի փողոցներով։ Կաչինսկու փողոցից երթևեկությունը հնարավոր կլինի ինչպես դեպի Բոճորմի փողոց, այնպես էլ Քեթևան Դեդոփալիի պողոտա (ձախ թեքվելով): Բացի այդ, վարորդները Թելավի փողոցից կշարժվեն դեպի Բոճորմի փողոց, ինչպես նաև Յալբուզի փողոցից մինչև Մտկվարի գետի ձախ ափ։
Նաև արտաքին լուսավորության սյուների ապամոնտաժման պատճառով հունվարի 24-ին՝ ժամը 01:00-06:00-ն, կսահմանափակվի Կոստավա փողոցից Լագունա Վերե տանող հատվածում երթևեկությունը։
Հերոսների հրապարակում շարունակվող ենթակառուցվածքային ծրագրի շրջանակներում նշված հատվածում կտեղադրվի արտաքին լուսավորության ցանց։ Համապատասխան աշխատանքները կիրականացնի «Թբիլսերվիս գրուպ» ՍՊԸ-ն՝ Թբիլիսիի քաղաքապետարանի հանձնարարությամբ։
Այս մասին հայտնում է Թբիլիսիի քաղաքապետարանի մամուլի ծառայությունը։