Միխեիլ Սաակաշվիլին Վրաստան չի եկել, որ կլինիկայում լիներ, եկել է երկրի ազատության համար պայքարելու,- ասել է «Ազգային շարժման» անդամ Զաալ Ուդումաշվիլին։

Նրա խոսքով, այժմ ամենակարեւորը Միխեիլ Սաակաշվիլիի առողջությունն ու կյանքը պաշտպանելն ու նրան այն կլինիկա տեղափոխելն է, որտեղ նա կստանա լիարժեք բժշկական ծառայություններ։

«Ինչ վերաբերում է պայքարին, ապա պայքարը բնական է, շարունակվելու է։ Միխեիլ Սաակաշվիլին Վրաստան չի եկել, որ կլինիկայում լիներ, եկել է երկրի ազատության համար պայքարելու, նրա հետ միասին մենք բոլորս պայքարելու ենք այս երկրի ազատության համար»,- ասել է Զաալ Ուդումաշվիլին։

Միաժամանակ Զաալ Ուդումաշվիլին մեկնաբանել է արդարադատության նախարար Ռատի Բրեգաձեի այսօր կայացած ճեպազրույցը, որում նա առաջարկել է Սաակաշվիլիին տեղափոխել Գորիի զինվորական հոսպիտալ։

«Իշխանությունը ստիպված է եղել ընդունել այս որոշումը։ Կարծում եմ՝ հիմա ոչ մեկի մտքով չի անցնի, որ իշխանությունը Միխեիլ Սաակաշվիլիին կամավոր տեղափոխելու որոշում է կայացրել։ Նրանք հասկացան, որ արդեն գտնվում են կրիտիկական եզրին, և մենքստիպեցինք դա անել, այդ թվում՝ Միխեիլ Սաակաշվիլիի պայքարը, ինչպես նաև այն պայքարը, որը շարունակվում է այս օրերին փողոցներում։ Այնպես որ, մենք միշտ պետք է հաջողության հասնենք այսպես պայքարելով»,- ասել է Ուդումաշվիլին։

Արդարադատության նախարարությունում կայացած ճեպազրույցում արդարադատության նախարար Ռատի Բրեգաձեն առաջարկել է Միխեիլ Սաակաշվիլիին տեղափոխել Գիորգի Աբրամիշվիլիի պաշտպանության նախարարության անվան զինվորական հոսպիտալ։ Նրա խոսքով, բուժումն ավարտելուց հետո Միխեիլ Սաակաշվիլիին կտեղափոխեն Ռուսթավիի 12-րդ քրեակատարողական հիմնարկ։ Բացի այդ, նա նշեց, որ ընդդիմախոսների կողմից ցանկացած սադրանքի դեպքում, որը կարող է խոչընդոտել բանտարկյալի տեղափոխումը և հետագա բուժանձնակազմի աշխատանքը, բանտարկյալը կտեղափոխվի 18-րդ հիմնարկ, և ցանկացած իրավախախտ կենթարկվի պատասխանատվության: