Կոռուպցիայի դեմ պայքարի Ուկրաինայի ջանքերի վերաբերյալ քննարկման նպատակով երկրի վարչապետ Յուլիա Սվիրիդենկոն հանդիպել է Եվրոպական միության անդամ երկրների դեսպանների հետ։

Սվիրիդենկոյի խոսքով՝ Ուկրաինայի կառավարությունը հանձնառու է հակակոռուպցիոն ինստիտուտների հետ լիարժեք ներգրավվածությանն ու համագործակցությանը՝ գործադիր իշխանության թափանցիկությունն ապահովելու նպատակով։

«ԵՄ անդամ երկրների դեսպաններին տեղեկացրինք կառավարության նոր քայլերի մասին, որոնք ուղղված են էներգետիկայի ոլորտում մաքրության և հակակոռուպցիոն քաղաքականության արդյունավետության բարձրացմանը։ Մենք մեր գործընկերներին կոչ արեցինք միանալ գործընթացին և ներկայացնել թեկնածուների առաջարկներ՝ նախևառաջ «Էներգոատոմ»-ի դիտորդական խորհրդի համար։ Հաջորդ փուլն է՝ պետական սեփականություն հանդիսացող էներգետիկ ընկերությունների դիտորդական խորհուրդների աուդիտն ու թարմացումը», — գրել է Ուկրաինայի կառավարության ղեկավարը սոցիալական ցանցում։