Յոավ Գալանտը իսրայելցի զինվորներին կոչ է անում պատրաստ լինել. մենք պատերազմ չենք ուզում, բայց պատրաստվում ենք բոլոր հնարավորություններին
«Մենք պատերազմ չենք ուզում, բայց պատրաստվում ենք բոլոր հնարավորություններին»,- ասել է Իսրայելի պաշտպանության նախարար Յոավ Գալանտը հեռահար հակահրթիռային պաշտպանության համակարգի Arrow մարտկոցի զինվորների հետ հանդիպման ժամանակ։
Իսրայելի պաշտպանության նախարարը զինվորներին կոչ է արել պատրաստ լինել:
Իսրայելական լրատվամիջոցները հայտնում են, որ վարչապետ Բենիամին Նեթանյահուն այսօր հավաքելու է անվտանգության նախարարների կաբինետը։
Իրանի հեղափոխության պահապանների կորպուսի ներկայացուցիչների խոսքով՝ Թեհրանում ՀԱՄԱՍ-ի առաջնորդ Իսմայիլ Հանիեի սպանությանը «կհաջորդի կոշտ ու ցավալի պատասխան»։