Իսրայելի Պետությունը պետք է իմանա, որ ունի գործողությունների ազատություն՝ անելու այն, ինչ ցանկանում է, ասել է Իսրայելի պաշտպանության նախարար Յոավ Գալանտը երկրի պաշտպանության ուժերի օդաչուների հետ հանդիպման ժամանակ, որոնք մասնակցել են Իրանի կողմից արձակված հրթիռների և անօդաչու սարքերի չեզոքացմանը։

«Մեր առաքելությունները չեն պակասելու, միայն ավելանալու են։ Իրականությունը, որ յոթ տարբեր կողմերից մեզ վրա հարձակվում են, դժվար է և մարտահրավեր է նետելու մեզ: Իսրայել պետությունը պետք է իմանա, որ ունի իր ուզածն անելու ազատությունը՝ շնորհիվ իր պաշտպանությունը ստեղծելու ռազմաօդային ուժերի։ Այն, ինչ արեցիր անցած շաբաթ օրը, շատ տպավորիչ է»,- ասաց Յոավ Գալանտը։

Հիշեցնենք, որ ապրիլի 13-ի գիշերը Իրանը Իսրայելի ուղղությամբ արձակել է ավելի քան 300 անօդաչու թռչող սարք և հրթիռ։ Դրանց մեծ մասը կործանվել է Իսրայելի կողմից՝ ԱՄՆ-ի, Մեծ Բրիտանիայի, Ֆրանսիայի և Հորդանանի օգնությամբ։ Ըստ Թեհրանի՝ սա պատասխան էր Դամասկոսում Իրանի հյուպատոսության վրա Իսրայելի հարձակմանը, որը սպանեց իրանցի բարձրաստիճան զինվորականների։