ԵԽ համազեկուցողները քաղաքական ուժերին կոչ են անում, ուղի գտնել, որպեսզի սահմանադրական փոփոխությունները հաստատվեն մինչև առաջիկա ընտրությունները
Եվրախորհրդի խորհրդարանական վեհաժողովում Վրաստանի մոնիտորինգի խմբի համազեկուցներ Տիտուս Կոռլատինը (Ռումինիա) և Քլոդ Քեռնին (Ֆրանսիա) խորը վրդովմունք են հայտնում Վրաստանի խորհրդարանի կողմից 2020 թվականի խորհրդարանական ընտրություններին լիարժեք համամասնական ընտրական համակարգի բարեփոխման համար անհրաժեշտ սահմանադրական ուղղումները տապալելու պատճառով: Այս մասին ասվում է համազեկուցողների հայտարարությունում:
«Ցավում ենք, որ ուղղումն աջակցություն չունեցավ: Բոլոր շահագրգիռ կողմերը ավելի քան 10 տարի է պահանջում էին ներդնել համամասնական համակարգը: Բոլոր շահագրգիռ կողմերի համաձայնությունը հաշվի առնելով, այս համակարգի 2020 թվականի խորհրդարանական ընտրություններից առաջ ներդրման անհրաժեշտության մասին ուղղումները տապալելը անհասկանալի է»,- ասվում է Եվրախորհրդի խորհրդարանական վեհաժողովի համազեկուցողների հայտարարության մեջ:
Ինչպես նշված է հայտարարության մեջ, համազեկուցողները քաղաքական բոլոր կուսակցություններին և առանձնապես կառավարող մեծամասնությանը կոչ են անում, ճանապարհ գտնել, որպեսզի այս ուղղումները հաստատվեն մինչև առաջիկա ընտրությունները:
Երեկ, խորհրդարանում համամասնական ընտրական համակարգին անցնելու առնչությամբ խորհրդարանական մեծամասնության կողմից պատրաստված սահմանադրական փոփոխություններն առաջին ընթերցմամբ քվեարկությանը չի ստացել ձայների բավական քանակ: Արդյունքում փոփոխությունները տապալվել է:
Վրաստանի խորհրդարանում սահմանադրական փոփոխությունները տապալելուց հետո խորհրդարանական մեծամասնությունը
լքել են մի շարք պաշտոնյաներ: