Եվս երեք երկիր՝ Իսրայելը, Գերմանիան և Ֆինլանդիան, ընդունել են «Խաղաղության խորհրդին» միանալու հրավերը

Իսրայելը, Գերմանիան և Ֆինլանդիան ԱՄՆ նախագահից հրավեր են ստացել միանալու «Խաղաղության խորհրդին»։ Իսրայելի վարչապետ Բենիամին Նեթանյահուի գրասենյակը հայտարարել է, որ ԱՄՆ նախագահ Դոնալդ Թրամփը հրավիրել է Իսրայելի վարչապետ Բենիամին Նեթանյահուին կամ նրա ընտրած ներկայացուցչին միանալու Գազայի համար նախատեսված «Խաղաղության խորհրդին»։

Բացի այդ, գերմանական Der Spiegel հրատարակությունը հաղորդում է, որ Գերմանիան այն երկրների շարքում է, որոնք ԱՄՆ նախագահից հրավեր են ստացել միանալու «Խաղաղության խորհրդին»։ Գերմանիայի կառավարության խոսնակ Ստեֆան Կոռնելիուսը նշել է, որ կանցլեր Ֆրիդրիխ Մերցը ընդունել է «Խաղաղության խորհրդին» միանալու հրավերը և շնորհակալություն է հայտնել ԱՄՆ-ին։ Նա ասել է, որ որոշում դեռևս չի կայացվել, և կառավարությունը պլանավորում է խորհրդակցել գործընկերների հետ՝ հրավերին արձագանքելու վերաբերյալ։ Գերմանիայի կառավարության խոսնակը հրաժարվել է մեկնաբանել այն մասին, թե արդյոք Գերմանիան կբացառի անդամակցությունը, եթե Ռուսաստանը ընդունի Թրամփի հրավերը։

Բացի այդ, Ֆինլանդիայի նախագահի աշխատակազմը հայտարարել է, որ Ֆինլանդիան նույնպես ընդունել է «Խաղաղության խորհրդին» միանալու հրավերը։

Ավելի վաղ հաղորդվել էր, որ Ռուսաստանը և Բելառուսը հրավիրվել են «Խաղաղության խորհրդին»։