Եվրոպական քաղաքական միության ութերորդ գագաթնաժողովը 2026 թվականին կանցկացվի Հայաստանում
Եվրոպական քաղաքական միության ութերորդ գագաթնաժողովը 2026 թվականին կանցկացվի Հայաստանում, – այս մասին գրել է Հայաստանի վարչապետ Նիկոլ Փաշինյանը սոցիալական ցանցում։
«Եվրոպական քաղաքական միության 8-րդ գագաթնաժողովը կկայանա Հայաստանում՝ 2026 թվականի գարնանը։ Ինձ համար մեծ պատիվ է ընդունել Եվրոպական քաղաքական համայնքի առաջնորդներին մեր երկրում։ Շնորհակալ եմ բոլոր առաջնորդներին այս որոշմանն աջակցելու համար», – գրել է Նիկոլ Փաշինյանը։
ՀՀ Վարչապետի տեղեկացմամբ՝ 2028 թվականին Եվրոպական քաղաքական միության գագաթնաժողովը կանցկացվի Ադրբեջանում։
Եվրոպական քաղաքական միության ձևաչափը հիմնադրվել է 2022 թվականին՝ որպես հարթակ ԵՄ-ի ներսում և նրա սահմաններից դուրս առաջնորդների հանդիպման և ընդհանուր մարտահրավերների քննարկման համար։ Վերջին՝ վեցերորդ գագաթնաժողովը կայացել է 2025 թվականի մայիսին՝ Ալբանիայում, իսկ հաջորդ՝ յոթերորդ գագաթնաժողովը նախատեսվում է Դանիայում՝ տարեվերջին։