Հայաստանը կոչ է անում Եվրամիությանը պատժամիջոցներ կիրառել Ադրբեջանի դեմ՝ կապված Ղարաբաղում ռազմական գործողության հետ։ Այս մասին «Ռոյթերս» գործակալությանը տված հարցազրույցում ասել է Եվրամիությունում Հայաստանի դեսպան Տիգրան Բալայանը։

Հայ դիվանագետը չի բացառել նաեւ Ադրբեջանի կողմից Հայաստանի տարածքի վրա հարձակման հնարավորությունը եւ Արեւմուտքին կոչ է արել խստորեն աջակցել Երեւանին։

«Մենք մեր առաջարկները ներկայացրել ենք Եվրամիությանը։ Ադրբեջանի կողմից ուժի չկիրառման պայմանի խախտմանն առաջին հերթին պետք է լինի կոշտ արձագանք։ Ինչպես հրապարակավ հայտարարել է Գերմանիայի արտգործնախարար Բերբոքը, հարձակումից առաջ երկու շաբաթ շարունակ ինտենսիվ բանակցություններ են եղել, և Ալիևը խոստացել է ուժ չկիրառել։ Նա դրժեց իր խոստումը. Կարծում ենք, որ սա պետք է հետևանքներ ունենա»,- ասաց դեսպանը։

Հնարավոր սահմանափակող միջոցների թվում Հայաստանի դեսպանը նշել է անձնական պատժամիջոցները, ինչպես նաև ադրբեջանական նավթի և գազի գնի վերին սահմանի սահմանումը։