Եվրամիությունը կանգնած է Վրաստանի և վրաց ժողովրդի կողքին և օգնում է բազմաթիվ ուղղություններով, այդ թվում տնտեսական վիճակի վերականգնման նպատակով,- այս մասին իր «թվիթերի» էջում գրել է Եվրոպական հարևանության քաղաքականության և ընդլայնման հարցերով հանձնակատար, Օլիվեր Վարհեյը:

Ինչպես նշել է Եվրահանձնակատարը, նա ընթացիկ իրադարձությունների վերաբերյալ լավ զրույց է ունեցել վարչապետ Գիորգի Գախարիայի հետ:

«Վրաստանի վարչապետ Գիորգի Գախարիայի հետ վերջին զարգացումների վերաբերյալ այսօր լավ զրույց եմ ունեցել: Զրույցի ընթացքում ես ընդգծեցի կուսակցությունների միջև երկխոսության և նոր կորոնավիրուսի դեմ պայքարի կարևորությունը: Եվրամիությունը կանգնած է Վրաստանի և վրաց ժողովրդի կողքին և օգնում է բազմաթիվ ուղղություններով, այդ թվում տնտեսական վիճակի վերականգնման նպատակով: Ավելի շատ փոխհամագործակցությունը ընդհանուր հետաքրքրություն է»,- հայտարարել է եվրահանձնակատարը:

Good call w PM @GakhariaGiorgi today on latest developments, where I underlined the need for cross-party dialogue, as well as on fight against #COVID19. #EU stands by #Georgia & its people, providing support, incl for economic recovery. Connectivity is a shared priority.

— Oliver Varhelyi (@OliverVarhelyi) December 3, 2020