Եվրամիությունը 30 մլն եվրո կհատկացնի Վրաստանի պաշտպանության ոլորտին աջակցելու համար
Եվրամիությունը 30 մլն եվրո կհատկացնի Վրաստանի պաշտպանության ոլորտին աջակցելու համար։ Այս մասին ասված է Եվրամիության խորհրդի տարածած հայտարարության մեջ։
«Խորհուրդն այսօր ընդունել է երկու օգնության միջոց Խաղաղության եվրոպական հիմնադրամի շրջանակներում՝ աջակցելու Մոլդովայի զինված ուժերին և Վրաստանի պաշտպանության ուժերին, ամրապնդելու ազգային անվտանգությունը, կայունությունը և դիմակայունությունը երկու երկրների պաշտպանական հատվածում», – ասվում է հաղորդագրությունում։
Եվրախորհրդի տվյալներով՝ Վրաստանին հաստատված 30 միլիոն եվրոյի օգնության փաթեթը ներառում է 36 ամիս ժամկետ։ Նշված գումարը կֆինանսավորի Վրաստանի Պաշտպանության ուժերի ստորաբաժանումների ոչ մահաբեր սարքավորումները, մատակարարումները և ծառայությունները, այդ թվում՝ պահանջի դեպքում տեխնիկական պատրաստություն։
Խորհրդի տվյալներով՝ Վրաստանն օգնություն է խնդրել 2023 թվականի փետրվարի 8-ին։ Նախկինում 2022 թվականի դեկտեմբերին խորհուրդը հաստատել էր 20 միլիոն եվրոյի օգնության փաթեթը, իսկ 2021 թվականի դեկտեմբերին՝ 12,75 միլիոն եվրոյի փաթեթը։
Նմանատիպ նպատակներով Եվրամիության խորհուրդը որոշել է 40 մլն եվրո հատկացնել Մոլդովայի զինված ուժերին աջակցելու համար։