Վրաստանում Եվրամիության ներկայացուցչության տվյալներով՝ Եվրամիությունը անօրինական է համարում Վրաստանի օկուպացված շրջաններում ընտրական տեղամասերի բացումն առանց Վրաստանի կառավարության համաձայնության։

«Եվրամիությունը անօրինական է համարում Վրաստանի, Աբխազիայի և Հարավային Օսիայի օկուպացված շրջաններում ընտրական տեղամասերի բացումն առանց վրացական կառավարության համաձայնության։ Եվրամիությունը լիովին հավատարիմ է մնում Վրաստանի ինքնիշխանությանը, անկախությանը և տարածքային ամբողջականությանը»,- ասված է հայտարարության մեջ։

Բացի այդ, Եվրահանձնաժողովի մամուլի խոսնակ Փիթեր Ստանոյի խոսքով, օկուպացված տարածքներում քվեարկությունն անօրինական է։

«Ռուսաստանում նախագահական ընտրություններն անցել են խիստ սահմանափակ միջավայրում, համակարգային ներքին ռեպրեսիաների պայմաններում, առանց ԵԱՀԿ դիտորդների։ Օկուպացված տարածքներում քվեարկությունն անօրինական է»,- գրել է Փիթեր Ստանոն։