Եվրոպական հարևանության քաղաքականության և ընդլայնման հարցերով եվրահանձնակատար Յոհաննես Հանը, Մյունխենի 54-րդ կոնֆերանսի շրջանակներում Վրաստանի վարչապետ Գիորգի Կվիրիկաշվիլիի հետ հանդիպումից հետո Թվիտերում գրել է, որ Եվրամիության հարաբերությունները Վրաստանի հետ գնալով խորանում են:

«Ասոցացման օրակարգի վերանայումը և արևելյան գործընկերության գագաթնաժողովի ծրագիրը,-սա այն ծրագիրն է, որը գնալով մերձեցնում է մեզ միմյանց»,-գրել է Յոհաննես Հանը:

Հանդիպմանը կողմերը քննարկել են ասոցացման համաձայնագրի և խորը և համապարփակ ազատ առևտրական տարածքի մասին համաձայնագրի վավերաման տեսանկյունից գոյություն ունեցող արդյունքները:

Խոսքը վերաբերել է նաև Վրաստան-Եվրամիություն ասոցացման նորացված, կոմպլեքսային օրակարգին, որը իր մեջ ներառում է առաջնահերթություններ մինչև 2020 թվականը:

.@MunSecConf w #Georgia’s #PM @KvirikashviliGi. #EU–#Georgia relations going from strength to strength. Revised Association Agenda and #EaP Summit menu are an ambitious program that will bring us even closer together. @eu_near pic.twitter.com/LEdH9ZR09K

— Johannes Hahn (@JHahnEU) February 16, 2018