Եթե պատվաստվի բնակչության 70 տոկոսը, դա նշանակում է, որ կովիդ համավարակն ավարտված է. Ամիրան Գամղրելիձե

18:06, 31.01.2021

Եթե պատվաստվի բնակչության 70 տոկոսը, դա նշանակում է, որ կովիդ համավարակն ավարտված է,- այս մասին հայտարարել է Հիվանդությունների վերահսկման ազգային կենտրոնի ղեկավար, Ամիրան Գամղրելիձեն:

«Բոլորս պետք է հասկանանք, որ կովիդ համավարակը հնարավոր է հաղթել միայն բնակչության զանգվածային պատվաստումների միջոցով»,- հայտարարել է Ամիրան Գամղրելիձեն:

Բացի այդ, նրա խոսքով, արդեն հաստատված է, որ Վրաստան առաքվող հաջորդ պատվաստանյութը կլինի «Աստրազենեկայի» պատվաստանյութը և երկիրը, ամենայն հավանականությամբ, այն կստանա մարտի առաջին կեսին:

«Առաջին փուլում երկիր կբերվի Փայզերի պատվաստանյութը, 29 250 չափաբաժին, կրկնակի ներարկման համար: Սա մոտ 14 500 մարդու չափաբաժին է: Որքան գիտեմ, պատվաստանյութը կբերվի փետրվարի երկրորդ կեսին: Հաստատվել է նաև, որ առաքվող հաջորդ պատվաստանյութը կլինի «Աստրազենեկայի» պատվաստանյութը`180-ից 300 հազար չափաբաժնով, և դա ամենայն հավանականությամբ, կլինի մարտի առաջին կեսին»,- նշել է Ամիրան Գամղրելիձեն:

Հեղինակ - edgar barsegyan

Հասարակական

Ամիրան Գաղրելիձե