Վրաստանի նախագահ Սալոմե Զուրաբիշվիլին ողջունում է Քրիստիան Դանիելսոնի նշանակումը, որպես միջնորդ ընդդիմության և իշխանությունների միջև բանակցություններում: Այս մասին նախագահը գրում է Թվիթերում:

Ըստ Սալոմե Զուրաբիշվիլիի, կողմերի միջև պետք է տեղի ունենա ապաբևեռացում:

«Ես ողջունում եմ Քրիստիան Դանիելսոնի նշանակումը որպես միջնորդ, իշխանությունների և ընդդիմության միջև բանակցություններում: Սա ամուր նշան է այն բանի, որ Եվրոպան շարունակում է աշխատել հանուն Վրաստանի կայունության և ժողովրդավարական զարգացման: Ես մեկ անգամ ևս կողմերին կոչ եմ անում երկիրը դնել առաջին տեղում և աշխատել ապաբևեռացմանը հասնելու համար», – գրել է Զուրաբիշվիլին:

Եվրոպական խորհրդի նախագահ Շառլ Միշելը անձնական ներկայացուցչին ուղարկում է Վրաստան, մասնակցելու Եվրամիության աջակցությամբ անցկացվող քաղաքական երկխոսությանը: Այս մասին ասվում է Եվրամիության խորհրդի տարածած մամուլի հաղորդագրության մեջ:

Եվրոպական խորհրդի նախագահ Շառլ Միշելը Քրիստիան Դանիելսոնին անձնական ներկայացուցչի մանդատ է շնորհել Եվրամիության գերագույն հանձնակատար Ժոզեֆ Բորելի հետ համաձայնեցմամբ:

I welcome the appointment of @DanielssonEU to mediate talks between the gov and the opposition. This is a strong sign that Europe continues to work for stability and democratic development in ??. I once again call on both sides to put country first and work toward depolarization.

— Salome Zourabichvili (@Zourabichvili_S) March 10, 2021