Ես ողջունում եմ բանակցություններում Քրիստիան Դանիելսոնի որպես միջնորդ նշանակմանը, կոչ եմ անում կողմերին, երկիրը կանգնեցնել առաջին տեղում և աշխատել ապաբևեռացմանը հասնելու համար. Սալոմե Զուրաբիշվիլի

Վրաստանի նախագահ Սալոմե Զուրաբիշվիլին ողջունում է Քրիստիան Դանիելսոնի նշանակումը, որպես միջնորդ ընդդիմության և իշխանությունների միջև բանակցություններում: Այս մասին նախագահը գրում է Թվիթերում:

Ըստ Սալոմե Զուրաբիշվիլիի, կողմերի միջև պետք է տեղի ունենա ապաբևեռացում:

«Ես ողջունում եմ Քրիստիան Դանիելսոնի նշանակումը որպես միջնորդ, իշխանությունների և ընդդիմության միջև բանակցություններում: Սա ամուր նշան է այն բանի, որ Եվրոպան շարունակում է աշխատել հանուն Վրաստանի կայունության և ժողովրդավարական զարգացման: Ես մեկ անգամ ևս կողմերին կոչ եմ անում երկիրը դնել առաջին տեղում և աշխատել ապաբևեռացմանը հասնելու համար», – գրել է Զուրաբիշվիլին:

Եվրոպական խորհրդի նախագահ Շառլ Միշելը անձնական ներկայացուցչին ուղարկում է Վրաստան, մասնակցելու Եվրամիության աջակցությամբ անցկացվող քաղաքական երկխոսությանը: Այս մասին ասվում է Եվրամիության խորհրդի տարածած մամուլի հաղորդագրության մեջ:

Եվրոպական խորհրդի նախագահ Շառլ Միշելը Քրիստիան Դանիելսոնին անձնական ներկայացուցչի մանդատ է շնորհել Եվրամիության գերագույն հանձնակատար Ժոզեֆ Բորելի հետ համաձայնեցմամբ:

https://twitter.com/Zourabichvili_S/status/1369565635630559232?ref_src=twsrc%5Etfw%7Ctwcamp%5Etweetembed%7Ctwterm%5E1369565635630559232%7Ctwgr%5E%7Ctwcon%5Es1_&ref_url=https%3A%2F%2F1tv.ge%2Fnews%2Fsalome-zurabishvili-mivesalmebi-molaparakebebshi-kristian-danielsonis-mediatorad-danishvnas-movuwodeb-orive-mkhares-qveyana-pirvel-adgilas-daayenon-da-imushaon-depolarizaciis-misaghwevad%2F