Ես մեծ հույսեր ունեմ, որ Սաակաշվիլին չի վերսկսի հացադուլը և չի անի որևէ բան, որն ընկալվում է որպես սադրանք», – այս մասին վրացական խորհրդարանական պատվիրակության հետ հանդիպումից հետո հայտարարել է Եվրախորհրդարանի պատգամավոր Մարինա Կալիուրանդին։

Մարինա Կալիուրանդին ասել է, որ հանդիպման ժամանակ խոսել են նաև Միխեիլ Սաակաշվիլիի մասին։

«Ես ողջունում եմ Սաակաշվիլիին և բոլոր նրանց, ովքեր նրան խորհուրդ են տվել դադարեցնել բողոքի այս ձևը։ Մենք բոլորս մարդ ենք, առողջությունն առաջնային է և չենք ուզում, որ որևէ մեկը տուժի։ Ես մեծ հույսեր ունեմ, որ Վրաստանի նախկին նախագահը չի վերադառնա հացադուլին, երբ վերականգնողական բոլոր անհրաժեշտ ծառայությունները կստանա։

Այսօր շատ կարևոր է, որ Սաակաշվիլին գտնվում է իր համար ընդունելի համապատասխան հիվանդանոցում, նա համաձայնել է տեղափոխվել և գոհ է բժշկական ծառայություններից և բուժանձնակազմից։ Մաղթում եմ նրան շուտափույթ ապաքինում։ Եվս մեկ անգամ մեծ հույսեր ունեմ, որ այն չի վերսկսի հացադուլը։ Ես մեծ հույսեր ունեմ, որ Սաակաշվիլին չի անի որևէ բան, որն ընկալվում է որպես սադրանք։ Հավատացեք, ձեզ պետք չեն սադրանքներ, ավելի բևեռացումներ պետք չեն։ Վրաստանը խաղաղության, կայունության, բարեփոխումների կարիք ունի»,- ասել է Եվրախորհրդարանի պատգամավորը «Իմեդի» հեռուստաընկերությանը տված հարցազրույցում։