Վրացի երկրպագուները նոյեմբերի 16-ին կայանալիք Վրաստան-Ուկրաինա ֆուտբոլային հանդիպումը կարող են դիտել Առաջին Հանրապետության հրապարակում տեղադրված մոնիտորի վրա։ Ինչպես այսօր մայրաքաղաքի կառավարության նիստում ասել է Թբիլիսիի քաղաքապետ Կախա Կալաձեն, այդ որոշումը կայացրել է քաղաքապետարանը ֆուտբոլի ֆեդերացիայի հետ համատեղ, քանի որ Բաթումիի մարզադաշտի հզորությունը թույլ չի տալիս հյուրընկալել բոլոր երկրպագուներին։

«Նոյեմբերի 16-ին Վրաստանի ազգային հավաքականը կընդունի Ուկրաինային։ Շատ կարևոր հանդիպում է։ Օգտվելով առիթից ևս մեկ անգամ ցանկանում եմ հաջողություն մաղթել մեր տղաներին։ Երեք միավորը շատ կարևոր է։ Ինչպես գիտեք, նշված հանդիպումը կանցկացվի Բաթումում։ Շատ երկրպագուներ ցանկանում են ներկա գտնվել հանդիպմանը, սակայն մարզադաշտի հզորությունը թույլ չի տալիս այս ամենը։ Ինչպես նախորդ դեպքերում, հիմա էլ Ֆուտբոլի ֆեդերացիայի հետ միասին որոշեցինք վրացի երկրպագուներին հնարավորություն տալ Հանրապետության հրապարակում աջակցելու մեր ազգային հավաքականին։ Եկեք, նշված տարածքը լավ կկազմակերպվի։ Կտեղադրվի մեծ էկրան, որտեղ մենք հնարավորություն կունենանք ուրախացնել և աջակցել մեր տղաներին»,- ասել է Թբիլիսիի քաղաքապետը։