Վրաստանի խորհրդարանի նախագահ Շալվա Պապուաշվիլին շնորհավորում է երեխաներին Երեխաների պաշտպանության միջազգային օրվա առթիվ։ Շալվա Պապուաշվիլիի խոսքով, ինքը համոզված է, որ իրենք ջանք չեն խնայի երկրում երեխաների իրավունքների արդյունավետ իրացմանը նպաստելու և առկա մարտահրավերները հաղթահարելու համար։

Միաժամանակ խորհրդարանի նախագահը «Ֆեյսբուք» սոցիալական ցանցում գրել է, որ երեխաների պաշտպանության օրվա կապակցությամբ Դավիթ Սերգեենկոյի հետ այցելել է ընտանեկան տիպի մանկատուն։

«Այսօր Դավիթ Սերգեենկոյի հետ այցելեցինք ընտանեկան տիպի մանկատուն։ Մեզ դիմավորեց զարմանալի ջերմ միջավայր։ Երեխաները հուզականորեն բացվում էին մեր առջև և նայում իրենց տարածությանը, նրանց կատարած գունեղ նկարներն ու երգը լի էին իսկապես դրական հույզերով։ Երեխաները հատուկ խնամքի և պաշտպանության կարիք ունեն։ Վստահ եմ, որ մեզանից յուրաքանչյուրը ջանք չի խնայի երկրում երեխայի իրավունքների արդյունավետ իրականացմանը նպաստելու և առկա մարտահրավերները հաղթահարելու համար։ Շնորհավոր Երեխաների պաշտպանության միջազգային օրը: Բոլոր երեխաներին մաղթում եմ առողջություն, երջանիկ կյանք և երազանքների իրականացում»,- գրել է Շալվա Պապուաշվիլին։