Երբ ասում ես, որ ոչ մեկին թույլ չես տա մտնի շենք և ոչ էլ դուրս գա, դա արգելափակում է, սակայն անվանել են պիկետավորում, որպեսզի ունենան շահարկումների միջոց. Մամուկա Մդինարաձե
Իշխող թիմի անդամ, Մամուկա Մդինարաձեի հայտարարությամբ, «Վրացական երազանքի» իշխանության պայմաններում ցուցարարների հանդեպ ուժ կկիրառվի միայն ծայրահեղ անհրաժեշտության դեպքում:
Սակայն, ըստ նրա, կառավարությունն օգտագործում է օրինական ուժ:
Միևնույն ժամանակ, Մդինարաձեն ասում է, որ տվյալ դեպքում իրականում գործ ունենք ոչ թե պիկետի, այլ հատուկ արգելափակման հետ:
«Ոչ ոք ուրախ չէ տեսնել ուժի կիրառումը, նույնիսկ օրինական ուժի, դա մարդկային կերպով ոչ մեկին հաճելի չէ: «Վրացական երազանքը» կառավարման ժամանակ, ուժ կիրառել է երբ եղել է ծայրահեղ անհրաժեշտություն:
Ինչ վերաբերում է այս դեպքին, երբ ասում ես, որ ոչ ոքի թույլ չես տա մտնել շենք, ոչ ոքի թույլ չես տա որ դուրս գա, որը հատուկ օբյեկտ է և դա անվանում եք պիկետ, դուք արդեն ստում եք հասարակությանը, որովհետև այն արգելափակում է, պիկետի պարզաբանումը բոլորովին այլ է:
Երբ հայտարարում ես և քո ակտիվիստներին կոչ անում, որ վաղը առավոտից այստեղ ոչ ոք չի մտնի և չի կարողանա դուրս գալ, ապա դա արգելափակում է, և որպես իրավաբան եթե չեմ խառնում՝ 222-րդ հոդվածն է, նման օբյեկտների արգելափակումը պատժվում է օրենքով: Սակայն, նրանք դա անվանեցին պիկետ միայն այն պատճառով, որ այդ ժամանակ հնարավորություն ունենան շահարկելու», – հայտարարել է Մդինարաձեն:
Ներքին գործերի նախարարությունը հայտարարություն է տարածել կենտրոնական ընտրական հանձնաժողովի մոտ զարգացումների վերաբերյալ: Հայտարարության համաձայն, ցուցարարները կիրառել են բռնի մեթոդներ, չեն ենթարկվել ոստիկանության ցուցումներին, իսկ ՆԳ նախարարությունը իրեն օրենքով տրված լիազորությունների շրջանակներում կիրառել է համաչափ ուժ: