Ենս Ստոլտենբերգ. Ես դեմ եմ Վրաստանի կառավարության ցանկացած ձգտման վերսկսելու օտարերկրյա գործակալների կամ ազդեցության մասին
«Ես դեմ եմ Վրաստանի կառավարության ցանկացած փորձի՝ կրկին ներկայացնելու օտարերկրյա գործակալների կամ ազդեցության մասին օրենքի նախագիծը, քանի որ այն հակասում է Վրաստանում ժողովրդավարական ինստիտուտների ամրապնդմանն ուղղված ջանքերին», – ասել է ՆԱՏՕ-ի գլխավոր քարտուղար Ենս Ստոլտենբերգը։
Սթոլթենբերգի խոսքով՝ Վրաստանը պետք է աշխատի բարեփոխումների վրա՝ ՆԱՏՕ-ին և Եվրամիությանը մերձենալու համար։
«Եվրամիությունը նույնպես շատ հստակ դիրքորոշում ունի այս հարցում։ Մի քանի շաբաթ առաջ ես այցելեցի Թբիլիսի և իմ հիմնական ուղերձը վերաբերում էր բարեփոխումների կարևորությանը, ժողովրդավարական ինստիտուտների ամրապնդմանը։ Ես նաև հստակ ասացի, որ վրաց ժողովուրդը ցանկանում է ունենալ ժողովրդավարական, բարեկեցիկ ապագա եվրոպական և եվրատլանտյան ընտանիքում։ Ցանկացած օրենք, որը ներկայացնում է օտարերկրյա գործակալի գաղափարը, ես վախենում եմ, որ կազդի բազմաթիվ լրատվամիջոցների վրա, որոնք գործում են միջազգային ասպարեզում և Վրաստանում, և կխաթարի Վրաստանը հզոր, ժողովրդավարական հասարակության վերածելու գաղափարը»-ասել է Ենս Ստոլտենբերգը։
Խորհրդարանում արդեն իսկ նախաձեռնվել է «Օտարերկրյա ազդեցության թափանցիկության մասին» օրենսդրական նախաձեռնությունը։ Փոփոխությունները կներկայացվեն հաջորդ շաբաթվա երկուշաբթի Բյուրոյի նիստին, որից հետո կսկսվի քննարկումը։ «Վրացական երազանք»-ը պարզաբանել է, որ օրինագիծը խորհրդարանում նախաձեռնվել է ճիշտ նույն տեքստով, ինչ նախաձեռնվել է նախորդ տարի, միակ տարբերությամբ՝ նախագծում փոխվել է «օտարերկրյա գործակալ» տերմինը և ներկայացվել է հետևյալ տարբերակը «օտար տերության շահերն իրականացնող կազմակերպություն»: