««Վրացական երազանքը» բացահայտ ասում է, որ առանձնահատուկ հետաքրքրություն չունի արևմտյան երկրների հետ հարաբերությունների բարելավման հարցում», – հայտարարել է «Գիրչի» կուսակցության առաջնորդ Յագո Խվիչիան։

Ինչպես նշել է Խվիչիան, նա սկեպտիկ է վերաբերվում ԱՄՆ-ի հետ հարաբերությունների բարելավմանը։

«Կարծում եմ՝ ձմեռային օլիմպիական խաղերի տրիբունան երկրների միջև հարաբերությունները կարգավորելու լավագույն վայրը չէ, սակայն եթե ինչ-որ օգտակար բան բերեն, միայն կողջունեմ։ Ինչպես երևում է, ես որոշ չափով սկեպտիկ եմ՝ ի տարբերություն իշխանության ներկայացուցիչների։ Ներկա ուղղությամբ, ինչպես շարժվում ենք, բարելավում չեմ սպասում։

Քիչ հավանական է համարում, որ Ամերիկայի նման երկրները հետաքրքրված լինեն մեզ ճնշելու մեջ։ Մեր իշխանությունների վերաբերմունքը Արևմուտքի նկատմամբ հաշվի առնելով՝ այստեղ, ցավոք, հարաբերությունների բարելավում քիչ եմ սպասում։ Ընդհանրապես «Վրացական երազանքի» վերաբերմունքն այն է, որ նրանք առանձնահատուկ հետաքրքրություն չունեն արևմտյան երկրների, մեր ռազմավարական գործընկերների հետ հարաբերությունների բարելավման հարցում, և եթե հետևենք նրանց հռետորաբանությանը, դրա մասին փաստացի բացահայտ էլ խոսում են», – հայտարարել է Խվիչիան։