Խորհրդարանի մարդու իրավունքների պաշտպանության հանձնաժողովը առաջին ընթերցմամբ աջակցել է «Վրացական երազանքի» կողմից պատրաստված «համաներման մասին» օրինագծին: Հանձնաժողովի շրջանակներում պատգամավորները այսօր վեց ժամ քննարկել են փոփոխությունները:

Քվեարկության դրվեց նաև ընդդիմության կողմից պատրաստված այլընտրանքային նախագիծը, որն այսօր ներկայացրեց Շալվա Շավգուլիձեն: Ընդդիմության տարբերակը քվեարկության ժամանակ տապալվեց:

Ինչ վերաբերում է «Վրացական երազանքի» օրենքի նախագծին, ապա նախագիծը քրեական պատասխանատվությունից և պատժից ազատում է բոլոր այն անձանց, ովքեր հանցագործություններ են կատարել 2019 թվականի հունիսի 19-21-ի իրադարձությունների հետ կապված և չեն հրաժարվում նրանց նկատմամբ համաներում կիրառելուց:

Համաներումը տարածվում է նաև այն անձի վրա, որը կատարել է կամ փորձ է կատարել հանցագործության, կապված 2019 թվականի հունիսի 19-21-ի իրադարձությունների հետ:

Քրեական պատասխանատվությունից և պատժից ազատումը վերաբերում է նաև պայմանական ազատազրկմանը: 2019 թվականի հունիսի 19-21-ի իրադարձությունների հետ կապված հանցագործություն կատարելու համար որպես պատիժ նշանակված տուգանքը չի վերադարձվի դատապարտյալին: