Խորհրդարանի դիմաց վերսկսվել է բողոքի ցույցը: Բողոքի ակցիայի մասնակիցները պահանջում են վարչապետի հրաժարականը՝ կապված օպերատոր Լեքսո Լաշքարավայի մահվան հետ:

Լրագրող Վախո Սանայայի խոսքով, Իրակլի Ղարիբաշվիլին հրաժարական կտա և դա կանեն այն մարդիկ, ովքեր կանգնած են խորհրդարանի դիմաց:

«Դուք տեսնում եք նրա անամոթ դեմքը այսօր, ես կհիշեցնեմ ձեզ 2015 թվականը, մենք բոլորս հիշում ենք, երբ դեկտեմբերի 31-ին հեռուստատեսությամբ ստացանք նրա շնորհավորական բացիկները, որոնք տպվել էին 10 օր շուտ, ուղարկվել, և նա այլևս վարչապետ չէր, երբ շնորհավորական բացիկները եկան մեզ: Նա այդ ժամանակ ևս նույնպես էր խոսում և հրաժարական տվեց: Ես կհիշեցնեմ հաջորդ վարչապետի հայտարարությունը՝ նույն ձևով, ինչպես Ղարիբաշվիլին էր այսօր խոսում, որ ինքը ոչ մի տեղ չի գնում, բայց հաջորդ օրը՝ 24 ժամվա ընթացքում, հրաժարական տվեց: Ես ձեզ կհիշեցնեմ երրորդ վարչապետին, ով ասաց, որ բոլորը, ում ինքը չի հավանում, կավարտվեն», – իր ելույթի ժամանակ ասաց Վախո Սանաիան:

«TV Pirveli»-ի օպերատոր Լեքսո Լաշքարավային, որին հուլիսի 5-ին «Թբիլիսի փրայդի» հակառակորդները ծեծի էին ենթարկել, մահացել է: Այս պահին անհայտ է մահվան պատճառը: Լեքսո Լաշքարավան մի քանի օր գտնվում էր կլինիկայում, որից հետո դուրս էր գրվել տուն: Լեքսո Լաշքարավայի մահվան դեպքի առթիվ հետաքննություն է սկսվել Քրեական օրենսգրքի 115-րդ հոդվածով: