Խորհրդարանի անդամներ Թեոնա Աքուբարդիան, Խաթունա Սամնիձեն, Թամար Կորձայան, Խատիա Դեկանոիձեն, Անա Բուչուկուրին և Անա Նացվլիշվիլին հանդես են գալիս համատեղ հայտարարությամբ։

Ինչպես նշվում է հայտարարության մեջ, սուր քննադատության են ենթարկվել անցյալ տարի «Ընդհանուր դատարանների մասին» օրգանական օրենքում կատարված հապճեպ և ոչ ներառական միակուսակցական փոփոխությունները։

Հայտարարության հեղինակները կարծում են, որ հարցի սահմանադրականությունը պետք է վերանայվի Սահմանադրական դատարանի կողմից։

«Անկախ արդարադատությունը երկրի ժողովրդավարական զարգացման և Եվրամիությանն ինտեգրման կարևոր հիմնաքարն է: Եվրահանձնաժողովը Վրաստանին ներկայացրել է ԵՄ թեկնածուի կարգավիճակ ստանալու 12 նախադրյալ, որոնց թվում առանցքային խնդիրներից է անկախ արդարադատության ապահովումը։ Եվրամիությունը և ԱՄՆ-ն ակտիվորեն աջակցում են Վրաստանում անկախ արդարադատության ամրապնդմանը։

Անցյալ տարվա հապճեպ և ոչ ներառական միակուսակցական փոփոխությունները ընդհանուր դատարանների մասին օրենքում սուր քննադատության արժանացան մեր արևմտյան գործընկերների, ինչպես նաև ամենահեղինակավոր մասնագիտական ​​ինստիտուտի՝ Վենետիկի հանձնաժողովի կողմից։

Այս հարցի սահմանադրականությունը պետք է վերանայվի Սահմանադրական դատարանի կողմից։

Մենք՝ խորհրդարանական ընդդիմադիր պատգամավորներս, կոչ ենք անում խորհրդարանական մեծամասնությանը զերծ մնալ սահմանադրական հայցի վերաբերյալ հրապարակային հայտարարություններից, որի քննարկումը դեռ չի սկսվել:

Կարծում ենք, որ իշխող կուսակցության պատգամավորների քաղաքական հայտարարությունները՝ նախքան Սահմանադրական դատարանի հայցի լսումը, ոչ այլ ինչ են, եթե ոչ խորհրդարանի կողմից Սահմանադրական դատարանի վրա ազդելու փորձ և գործի քաղաքականացում, ինչն անընդունելի է»,- ասվում է հայտարարության մեջ: