Վրաստանում Հունգարիայի նորանշանակ դեսպան Պետրա Պոնևաչ-Պանան իր հավատարմագրերի պատճենը հանձնեց Վրաստանի արտաքին գործերի նախարարության դիվանագիտական ​​​​արարողակարգի վարչության պետ Զուրաբ Դարչիաշվիլիին: Տեղեկատվությունը տարածել է արտաքին գործերի նախարարությունը։

Նախարարության տվյալներով՝ արարողության շրջանակներում կայացած հանդիպման ժամանակ կողմերը ողջունել են Վրաստանի և Հունգարիայի միջև առկա ռազմավարական հարաբերությունները և սերտ համագործակցությունը՝ ինչպես երկկողմ, այնպես էլ բազմակողմ ձևաչափերով։

«Զրույցի ընթացքում անդրադարձ է եղել երկու երկրների միջև առկա կապերի հետագա խորացման հեռանկարներին: Ընդգծվել է, որ կողմերը ապագայում կշարունակեն ակտիվ համագործակցությունն այս ուղղությամբ: Զուրաբ Դարչիաշվիլին շնորհավորել է Հունգարիայի դեսպանին պաշտոնում նշանակվելու կապակցությամբ և մաղթել հաջողություններ հետագա գործունեության մեջ», – ասվում է նախարարության հաղորդագրության մեջ: