Ռումինիայի խորհրդարանի հետ բարեկամության խմբի անդամները՝ Էկա Սեփաշվիլի, Մարիամ Լաշխի և Զուրաբ Ռուռուա, հանդիպեցին Վրաստանում աշխատանքային այցով գտնվող Վրաստանի խորհրդարանի հետ բարեկամության խմբի պատվիրակության անդամներին։

Հանդիպման ընթացքում կողմերը քննարկեցին երկու երկրների խորհրդարանների միջև առկա հարաբերությունները և խոսեցին բարեկամության խմբերի միջև համագործակցության ամրապնդման կարևորության մասին։

Հանդիպման մասնակիցները, անդրադառնալով տարածաշրջանում ընթացող գործընթացներին, ընդգծեցին Սև ծովի՝ որպես անվտանգության և կայունության, ինչպես նաև առևտրատնտեսական ներուժի նշանակությունը։

Նշվեց, որ Սև ծովի տարածաշրջանի խաղաղ զարգացման համար Վրաստանն ու Ռումինիան առաջատար դեր ունեն։

Վրացի և ռումինացի օրենսդիրները քննարկեցին երկու երկրների միջև տրանսպորտային ենթակառուցվածքի զարգացման և էներգետիկ ոլորտում համագործակցության հարցերը։ Նրանք նաև խոսեցին մշակութային և կրթական նախագծերի մասին։

«Ռումինացի գործընկերների հետ հանդիպման ժամանակ քննարկվեց Վրաստանի եվրոպական ինտեգրման հարցը և այն քաղաքական թեմաները, որոնք այսօր Վրաստանի առջև կանգնած են։ Նշվեց, որ կարևոր է բոլոր շահագրգիռ կողմերին տրամադրվի օբյեկտիվ և իրական տեղեկատվություն, թե ինչ վիճակ է այս առումով Վրաստանում։ Ռումինացի հյուրերը ընդգծեցին, որ իրենց համար հետաքրքիր և կարևոր էր տեղում ծանոթանալ ընթացիկ գործընթացներին։ Ինչ վերաբերում է բարեկամության խմբերի միջև հարաբերությունների ամրապնդմանը, հանդիպման ընթացքում կողմերը մշակեցին ապագա համագործակցության ծրագրեր։ Սա հետագայում կնպաստի միջխորհրդարանական հարաբերություններին և կարտացոլվի Վրաստան–Ռումինիա քաղաքականության, տնտեսության, մշակույթի և կրթության ոլորտներում կոնկրետ արդյունքներով», – նշեց Էկա Սեփաշվիլին։

Վրաստանի խորհրդարանի հետ բարեկամության խմբի պատվիրակությանը ղեկավարում է Ռումինիայի Սենատի անդամ, Վրաստան–Ռումինիա խորհրդարանական բարեկամության խմբի քարտուղար Քրիստիան-Ավգուստին Նիկուլեսկու-Ցագառլաշին։

Տեղեկությունը տարածում է Վրաստանի խորհրդարանի մամուլի ծառայությունը։