Վրաստանի խորհրդարանի պատվիրակությունը՝ Գիվի Միքանաձեի գլխավորությամբ Ադրբեջանում հանդիպումներ է անցկացնում
Վրաստանի խորհրդարանի պատվիրակությունը՝ կրթության, գիտության և երիտասարդության հարցերի հանձնաժողովի նախագահ Գիվի Միքանաձեի գլխավորությամբ, հանդիպումներ է անցկացնում Ադրբեջանում։
Պաշտոնական այցի շրջանակներում խորհրդարանի կրթության, գիտության և երիտասարդության հարցերի հանձնաժողովի անդամները հանդիպում են ունեցել Ադրբեջանի խորհրդարանի գիտության և կրթության հանձնաժողովի նախագահ Բախտիար Ալիևի և հանձնաժողովի անդամների հետ։
Հանդիպմանը կողմերը քննարկել են կրթության ոլորտում տարբեր ուղղություններով համագործակցության խորացման հարցեր։ Գիվի Միքանաձեն առանձնահատուկ ուշադրություն է դարձրել երկու երկրի խորհրդարանների և ոլորտային հանձնաժողովների միջև հարաբերությունների ամրապնդմանը։
Հանդիպման ավարտին կողմերը պայմանավորվել են ակտիվ շփման և համագործակցության շուրջ։
Վրաստանի խորհրդարանի պատվիրակության կազմում են Կրթության, գիտության և երիտասարդության հարցերի հանձնաժողովի նախագահ Գիվի Միքանաձեն և հանձնաժողովի անդամներ Գիորգի Սոսիաշվիլին և Ռոստոմ Չխեիձեն։
Տեղեկությունը տարածում է Վրաստանի խորհրդարանի մամուլի ծառայությունը։