Համամասնական ընտրակարգին անցնելու մասին օրինագծի տապալմանը իր «թվիթերի» էջում արձագանքել է USAID-ի Եվրոպայի և Եվրասիայի բյուրոյի ղեկավար, կազմակերպության փոխտնօրեն Բրոք Բիրմանը:

«Սեպտեմբերին, Վրաստան կատարած այցի ժամանակ խորհրդարանի ղեկավարությունը ինձ համոզում էր, որ սահմանադրական և ընտրական բարեփոխումները կենդունվեր: «Վրացական երազանքը» չի կատարել իր կողմից տրված խոստումը 2020 թվականի համամասնական ընտրությունների կապակցությամբ: Բարեփոխումներն ու քաղաքական բազմակարծությունը այժմ շատ կրիտիկական են», – գրում է Բրոք Բիրմանը և հրապարակում սեպտեմբերին «թվիթերում» հրապարակած տեքստը, որտեղ նա Վրաստանի խորհրդարանի խոսնակ, Արչիլ Թալակվաձեի հետ խոսում է դրական հանդիպման մասին:

Բրոք Բիրմանը գրում է նաև, որ հիասթափված է «վրացական երազանքի» կողմից խոստումը չկատարելու կապակցությամբ և նշում է, որ ժողովրդավարական զարգացման բարեփոխումները  և քաղաքական բազմակարծությունը որոշիչ են:

USAID-ի ներկայացուցիչը կոչ է անում նաև բոլոր կողմերին, այդ թվում կառավարությանը, քաղաքական կուսակցություններին, քաղաքացիական հասարակությանը և քաղաքացիներին, վարել կառուցողական երկխոսության, վերականգնել վստահությունն ու անհամաձայնությունը կարգավորել խաղաղ ժողովրդավարական գործընթացների միջոցով: