Վրաստանի խորհրդարանը հայտարարություն է տարածել անվտանգության լրացուցիչ միջոցների մասին։

Ինչպես նշվում է հայտարարության մեջ, մարտի 6-ին խորհրդարանի շենքում գործելու է սահմանափակ մուտքի ռեժիմ։

«Այս տարվա մարտի 6-ին Վրաստանի խորհրդարանի նախագահի 2016 թվականի դեկտեմբերի 30-ի N259/3 հրամանով սահմանված կանոնակարգի համաձայն՝ «Վրաստանի խորհրդարանի պալատի և հարակից տարածքի անվտանգության պահպանման ռեժիմ», կգործի խորհրդարանի շենք մուտքի սահմանափակ ռեժիմ»,- ասված է խորհրդարանի հայտարարության մեջ։

Ըստ նրանց տեղեկությունների համաձայն՝ սահմանափակումը չի տարածվի համապատասխան հանձնաժողովի հետ նախապես համաձայնեցված միջոցառումներին հավատարմագրված լրագրողների և միջոցառումներին ներկա անձանց վրա։

«Նշված միջոցառման նպատակն է պաշտպանել Վրաստանի խորհրդարանի անդամների, ապարատի աշխատակիցների և խորհրդարանի այցելուների անվտանգությունը և ապահովել աշխատանքային պայմանները»,- նշված է Վրաստանի խորհրդարանի հայտարարության մեջ։