Վրաստանի վարչապետ Իրակլի Ղարիբաշվիլին հանդիպել է Ադրբեջանի մշակույթի նախարար Անար Քարիմովին:

Կառավարության վարչությունում կայացած հանդիպմանը քննարկվել է իրավիճակը տարածաշրջանում: Վարչապետը շնորհակալություն է հայտնել Անար Քարիմովին՝ Ադրբեջանի կողմից ինքնիշխանությանը և տարածքային ամբողջականությանը սատարելու համար, և վերահաստատել իր աջակցությունը Ադրբեջանի Հանրապետության տարածքային ամբողջականությանը:

Հանդիպմանը ընդգծվել է Ադրբեջանի և Հայաստանի միջև Վրաստանի վարչապետի միջնորդությամբ ձեռք բերված համաձայնությունը:

Նախարար Քարիմովը շնորհակալություն է հայտնել Իրակլի Ղարիբաշվիլիին հաջող միջնորդության համար, որի արդյունքում ազատ արձակվեց Հայաստանի 15 քաղաքացի, իսկ ականապատ տարածքների քարտեզները հանձնվեցին ադրբեջանական կողմին:

Կառավարության ղեկավարը վերահաստատել է իր պատրաստակամությունը՝ շարունակելու խաղալ միջնորդի դերը` տարածաշրջանում հակամարտությունների խաղաղ կարգավորմանն ուղղված երկխոսության գործընթացը հեշտացնելու համար: Զրույցում անդրադարձ է եղել նաև մշակույթի ոլորտում երկկողմ կապերի զարգացմանը:

Հանդիպմանը մասնակցում էին Վրաստանում Ադրբեջանի Հանրապետության արտակարգ և լիազոր դեսպան Ֆայգ Գուլիևը, Ադրբեջանի Հանրապետության մշակույթի նախարարության մշակութային ժառանգության հուշարձանների պաշտպանության, զարգացման և վերականգնման պետական ​​ծառայության ղեկավար Ազադ Ջաֆարլին և Վրաստանի կողմից մշակույթի, սպորտի և երիտասարդության հարցերի նախարար Թեա Ծուլուկիանին:

Տեղեկատվությունը տարածում է վարչապետի մամուլի ծառայությունը: