Վրաստանի վարչապետը երկուշաբթի օրը կներկայացի առողջապահության նոր նախարարին
Վրաստանի վարչապետ Իրակլի Կոբախիձեն երկուշաբթի օրը կառավարության նիստում կներկայացնի Վրաստանի առողջապահության նոր նախարարի անունը։ Այս մասին լրագրողներին ասել է խորհրդարանական մեծամասնության առաջնորդ Մամուկա Մդինարաձեն։
Մդինարաձեի խոսքով՝ վարչապետն արդեն որոշում է կայացրել այդ հարցի վերաբերյալ։
«Առողջապահության նախարարի հետ կապված վարչապետը որոշում է կայացրել, որի մասին չեմ խոսելու և չեմ կարող խոսել, քանի որ դա կառավարության ղեկավարի իրավասությունն է։ Նա որպես կուսակցություն խորհրդակցել է շատերի հետ, այդ թվում՝ մեզ։ Շատ արժանի մարդկանց միջև ընտրություն կատարվեց և որոշում կայացվեց. Որքան գիտեմ, նա այդ որոշումը կհայտարարի երկուշաբթի՝ կառավարության նիստում»,- ասել է Մամուկա Մդինարաձեն։
Հիշեցնենք՝ Զուրաբ Ազարաշվիլին պաշտոնը լքել էր մարտի 1-ին։ Ինչպես պարզաբանել է Վրաստանի վարչապետ Իրակլի Կոբախիձեն, բժշկական հանրության շրջանում դժգոհություն է եղել առողջապահության նախարարի հետ շփման առումով։ Որպես դրա օրինակներից մեկը Իրակլի Կոբախիձեն նշել է Հանրապետական հիվանդանոցի հետ կապված իրադարձությունները։